DRUŠTVO SLAJDER
TIM ,,KINA MEDIKE” SLAVI KINESKU NOVU GODINU: Nasvečaniji praznik u znaku crvene boje i u slavu proljeća
Sjutra je Kineska Nova godina. Više detalja o ovom najsvečanijem prazniku kineskog naroda, saznali smo od osoblja Specijalističke ambulante ,,Kina Medika” u Podgorici.
Festival proljeća ili Kineska Nova godina, kako se na Zapadu češće naziva ovaj praznik, proslavlja se po tradicionalnom lunarnom kalendaru i predstavlja najsvetiji i najsvečaniji praznik kineskog naroda. Većina običaja i aktivnosti za vrijeme praznika proljeća odnosi se na obožavanje božanstava, odavanje počasti precima, kao i molitve za dobru žetvu i plodnu godinu.
jiaozi
Festival proljeća, kao što mu i samo ime kaže, podrazumijeva dolazak najvažnijeg godišnjeg doba kada se sve oporavlja, rađa i cvjeta, te je i prirodno da se takve promjene isprate pjesmom i slavljem. Kineske porodice već desetak dana prije praznika kreću sa detaljnim pripremama, kupuju namirnice za bogatu trpezu, kao i novu odjeću, što takođe simboliše promjenu na bolje. Naravno, kupuju i brojne poklone za rodbinu i najbliže prijatelje.
Boja kineske Nove godine je crvena. Natpisi zlatnim slovima na crvenom papiru ili kupleti obavezno su postavljeni sa strana ulaznih vrata svakog doma, a prozore krasi mnoštvo crvenih simbola izrezanih u papiru vještim rukama kineskih djevojčica. Fenjeri i lampioni obasjavaju ulice i bulevare i šalju poruke radosti i topline praznika, čineći amtosferu na gradskim trgovima zaista nezaboravnom i čarobnom. Na sve strane čuju se pucnji petard i vatrometa, čija je simbolika protjerivanje zlih duhova i negativne energije.
Festival proljeća, prije svega, predstavlja porodični praznik i okupljanje porodice je ono čemu se studenti i oni koji rade daleko od kuće najviše raduju. Više generacija zajedno pod istim krovom dijeli najljepše trenutke, koji se kasnije prepričavaju sve do naredne Nove godine. Na sjeveru Kine običaj je da se jedu “jiaozi”, nalik knedlama punjenim mesom ili povrćem, u koje se stavlja novčić i onog koji pronađe novčić pratiće sreća tokom cijele godine. Na jugu Kine je slična tradicija, samo što se jedu priničani kolačići, simboli porodice na okupu.
Dr Huang i Dr Quian
Za sami doček Nove godine, gleda se tradicionalni novogodišnji program ,,Spring Festival Gala” na državnoj televiziji, gdje se smjenuju muzika, komedija, mađioničarski trikovi i ostali zabavni prilozi. Djeci se najčešće poklanjaju crvene koverte sa novcem, ali nije rijetkosti da se odrasli obraduju istim poklonom.
Ova, 2017. je godina pijetla pokineskom horoskopu, a pijetao je od davnina veoma obožavana životinja u kineskom folkloru. Pijetao predstavlja epitome vjernosti i tačnosti, kao i borbenosti, zbog čegaKinezi vjeruju da će ove godine uz veliki trud i discipline postići odlične rezultate na svakom polju.
Osoblje Kina Medike
Osoblje Specijalističke amublante ,,Kina Medika”, premda daleko od svojih domova, proslaviće ovaj praznik baš kao jedna velika porodica na okupu. Pripreme za proslavu su u toku, a lijepih i radosnih osjećanja ne nedostaje. Ovom prilikom poželjeli bismo svim prijateljima u Crnoj Gori srećnu i uspješnu godinu pijetla i da ih zdravlje prati na svakom koraku, a ukoliko na tom putu negdje naiđu na prepreku, naš tim je tu da je svojom stručnošću i znanjem otkloni i pomogne da hrabro koračate u nova proljeća!
