MODA PREPORUKA
REVIJA MATURSKIH HALJINA: Razum i osjećanja inspiracija za 11 modela LidaMard kolekcije
LidaMard kolekcija “Sense & Emotions” (Razum i osjećanja) predstavljena je večeras na modnoj reviji “Groznica maturske večeri” održanoj u podgoričkom TC “Mall of Montenegro”. Riječ je o nastavku kolekcije “Love & Devotion” (Ljubav i posvećenost) sa prošlonedjeljnog takmičenja za najbolje dizajnere Balkana na temu vjenčanja.
Dok su inspiracija za prvu reviju bila razmišljanja žene o odjeći za pet prilika: prvi randez vous, ljubavni sastanci, vjenčanje, gubitak nevinosti i materinstvo, simbolično prikazanih kroz modele koji nose imena pet grčkih i rimskih boginja zaduženih za generisanje čovjeka, za ovu reviju inspiracija su razum i osjećanja na prelazu iz djetinjstva u zrelost.
Maturantice i polumaturantice imaju različite percepcije o tome, kako treba pokazati najljepšu sliku o sebi nakon maturske večeri. Neke vole više da dokažu, da su maturom stekle licencu za inteligenciju, dok je drugima važnije pokazati osjećanja i ženstvenost. Jedne pridaju veći značaj bogatijem socijalnom iskustvu, a druge pravoj potrošačkoj groznici.
– Ovom revijom želim potvrditi obećenje moje odjevne marke za potpunu posvećenost zanatskoj izvrsnosti u kreiranju visoke mode, zato što moje partnerke zaslužuju ove privilegije i podršku da ostvare prestiž, društveni status, prepoznatljivost, veću prihvaćenost, poštovanje, udobnost i funkcionalnost-kazala je Lida Marđonović, vlasnica Modnog krojačkog ateljea LidaMard.me iz Kotora koja potpisuje dizajn i izradu LidaMard maturskih haljina.
LidaMard maturske haljine izrađene su od najfinijih i unikatnih materijala i dostupne su u ADL butiku u Podgorici, Mall of Montenegro.
(PR)
