Košarkaši SC Derbya sjutra od 18 sati gostuju ekipi Beča u trećem kolu plej-auta ABA lige.
Trener SC Derbyja Petar Mijović podcrtava da je ova utakmica ,,veoma važna za obje ekipe, u borbi za izbjegavanje posljednjeg mjesta i pozicije koja vodi u baraž.”
– ,,Beč” je izuzetno iskusna ekipa, sa igračima koji dugi niz godina igraju ABA ligu i koji iza sebe imaju veliki broj sezona u karijeri. To je tim protiv kojeg morate biti maksimalno spremni, ako želite pobjedu – kaže Mijović za klupski sajt.
Naglašava da se posebno mora obratiti pažnja na ,,motor njihove ekipe, plejmejkera Bouma, koji je, uz Mahalbašića, u unutrašnjoj liniji glavni izvor njihove kreacije”.
– Moramo biti spremni i na česte promjene odbrana, prilagoditi se tome i pokušati da utakmicu uvedemo u ritam koji nama odgovara. Ključ je u psihološkoj pripremi ekipe. To je segment koji nas u dužem vremenskom periodu limitira i ne dozvoljava da dođemo do igre kakvu želimo. Ukoliko budemo rasterećeniji i hrabriji, očekujem da možemo odigrati jednu dobru utakmicu – smatra Mijović.
Mn.M.