PREPORUKA SPORT
ŽAKELJ NAKON POBJEDE BUDUĆNOSTI: Čestitam igračima, nadam se velikom broju navijača i u srijedu
Foto: N.P.
Košarkaši Budućnosti pobijedili su večeras Split 97:75 u ,,Morači” i upisali drugu pobjedu u ABA ligi na startu nove sezone.
Trener Andrej Žakelj nakon meča kazao je da je večerašnja pobjeda reakcija nakon sastanaka održanih poslije gostovanja u Istanbulu.
– Čestitam igračima, prvu četvrtinu smo otvorili dobro i onda to manje-više držali do kraja. Jedan od glavnih zadataka danas bio je skok, da kontrolišemo reket i mislim da smo uspjeli, a onda je sve lakše i u napadu – poručio je on.
Žakelj je zahvalio navijačima koji su došli u velikom broju i pozvao ih da opet podrže ,,plavo-bijele” u srijedu u meču drugog kola Evrokupa protiv Gran Kanarije.
– Okrećemo se meču protiv Gran Kanarije, mislim da će biti teška utakmica, moramo da pristupimo kao što smo danas. Trebaće nam podrška navijača, nadam se da se u srijedu vidimo u što većem broju – zaključio je Žakelj.
N.P.
