Rus Danil Medvedev preuzeo je prvo mjesto od Novaka Đokovića.
Srpski teniser Novak Đoković ,,pao” je za dvije pozicije i na danas objavljenoj ATP listi zauzima treće mjesto, čime je prekinuta njegova vladavina svjetskim tenisom od 373 sedmice, piše Beta.
Poslije oduzimanja bodova sa Rolan Garosa, Đoković je treći sa 6.770 bodova, a ispred njega su Rus Danil Medvedev i Njemac Aleksander Zverev.
Medvedev, koji je započeo četvrtu nedkelju na prvom mjestu, ima 7.950 bodova, dok je Zverev prvi put u karijeri na drugoj poziciji sa 7.075 bodova.
Iza vodeće trojke je Španac Rafael Nadal koji ima samo 245 bodova manje od Đokovića, dok su Kasper Rud i Stefanos Cicipas zamijenili mjesta, pa je sada Norvežanin peti, a Grk šesti teniser svijeta.
Do desete pozicije su još i Španac Karlos Alkaras, Rus Andrej Rubljov, Kanadjanin Feliks Ože-Alijasim i Italijan Mateo Beretini.
Najveći skok među najboljih 100 na svijetu upisao je Britanac Endi Marej koji je poslije plasmana u finale turnira u Štutgartu napredovao za 21 poziciju i sada je na 47. mjestu.
ATP lista:
1. Danil Medvedev (Rusija) 7.950 bodova
2. Aleksander Zverev (Njemačka) 7.075
3. Novak Đoković (Srbija) 6.700
4. Rafael Nadal (Španija) 6.525
5. Kasper Rud (Norveška) 5.050
6. Stefanos Cicipas (Grčka) 4.945
7. Karlos Alkaras (Španija) 4.893
8. Andrej Rubljov (Rusija) 4.125
9. Feliks Ože-Alijasim (Kanada) 3.895
10. Mateo Beretini (Italija) 3.570
Izvor: beta.rs