PREPORUKA ZANIMLJIVOSTI
ZANIMLJIVOSTI: Slonovima će se davati marihuana kao lijek protiv stresa
Zoološki vrt u Varšavi najavio je da će slonovima početi da daje medicinsku marihuanu, kao dio pilot projekta u kom će biti testirano kako ona djeluje na stres i anksioznost koju oni osjećaju, prenosi Tanjug.
Medicinska marihuana se u nekim djelovima svijeta već koristi za liječenje pasa i konja, ali ovo je prvi put da će neko pokušati da je daje slonovima, rekli su veterinari koji sporovode projekat, piše Gardijan.
Oni su istakli da će pokušati da pronađu novu prirodnu alternativu za već postojeće metode borbe protiv stresa.
Krdo slonova u tom zoološkom vrtu nedavno je ostalo bez alfa ženke, a nivo stresa kod slonova mjeri se tako što se prate njihovi hormoni, kao i njihovo ponašanje.
