Šon Kilpatrik, iskuni američki bek novo je pojačanje ekipe Budućnost Voli.
Kilpatrik je koledž košarku igrao u Sinsinatiju, nakon čega igra NBA G ligu za Santa Kruz Warriorse, razvojni tim Golden State Warriorsa. Poslije toga, Kilpatrik kratko boravi i u Minesoti.
Nakon epizode u Timberwolvsima, seli se na istočnu obalu gdje sjajne brojke bilježi u Delaware 87erisma što je svakako bila i preporuka za nove NBA angažmane u Denveru i Bruklinu čiji je dres nosio tri sezone.
Za tim sa istoka, Šon Kilpatrk je upisao 109 nastupa, a u Netsima je prosječno bilježio 12 poena, četiri skoka i dvije asistencije po meču. Nakon sjajne tri sezone u Bruklinu, Kilapatrik je nastupao i za Milvoki, Los Anđeles Kliperse i Čikago. Prvo inostrani angažman, Šon Kilpatrk je imao u ekipi Panatinaikosa iz Atine sa kojim je osvojio grčki šampionat i Kup. Visok je 193 centimetra i igra na poziciji beka.