Fudbaler Čelsija Sesk Fabregas vjenčao se sa dugogodišnjom djevojkom Danijelom Seman, sa kojom je u vezi još od 2011. godine i sa kojom ima troje djece – dvije kćerke Liju i Kapri i sina Leonarda. Španski igrač ima 30 godina, a supruga 42.
Oni su veliko slavlje organizovali u privatnoj vili na Ibici. Mnogo poznatih imena je došlo. Među njima su bili bivši saigrači iz Barselone Lionel Mesi, Karles Pujol, Serhio Buskets, Pedro, Luis Suarez, Đordi Alba, zatim prijatelji iz perioda dok je nosio dres Arsenala, legendarni Tjeri Anri i golman Jens Leman. Iz Čelsija su veselju prisustvovali Ngolo Kante, Davide Zapakosta, Markos Alonso, Ros Barkli, Itan Ampadu i bivši kapiten ,,plavaca” Džon Teri.
Mediji na Pirinejima su prenijeli da je svadba ,,teška” 600 miliona eura, koliko iznosi tržišna vrijednost zvanica.
Izvor: sport.blic.rs