PREPORUKA SPORT

PRINC RIMA SE OPRAŠTA: Toti u nedjelju igra posljednji meč u dresu Rome

25.05.2017. u 15:02

Foto: Twitter

Princ Rima Frančesko Toti odigraće u nedjelju posljednji meč u dresu Rome.
– Roma-Đenova, nedjelja, 28. maj 2017, posljednji put ću nositi dres Rome. Nemoguće je u nekoliko riječi opisati sve što su ove boje predstavljale, predstavljaju i predstavljaće za mene. Zauvijek. Osjećam jedino da moja ljubav prema fudbalu neće prestati; to je strast, moja strast. Toliko je duboka da ne mogu da zamislim da je više neću osjetiti. Ikada. U ponedjeljak ću opet biti spreman. Spreman za novi put – najavio je Toti posljednji meč u dresu Rome emotivnom porukom na Twitteru.


Toti je cijeli fudbalski put proveo u Romi za koju igra od 1992. godine. Zabilježio je 785 nastupa i 307 golova. Od ‘92. traju i njegovi reprezentativni uspjesi. Tri gola u šest nastupa zabilježio je za Italiju u kategoriji U15, dva gola u 13 mečeva u dresu U16 (1991-92), sedam golova u 14 nastupa za U18 (1993-95), četiri podotka u osam mečeva za U21 (1995-97), dva gola u četiri utakmice za U23 (1997) i devet golova u 58 nastupa za A tim za koji je igrao od 1998-2006.
B.R.