DRUŠTVO PREPORUKA
MINISTARSTVO ZDRAVLJA: Besplatna uvjerenja o zdravstvenoj sposobnosti u svrhu zapošljavanja za nezaposlena lica
Ministarsvo zdravlja je, u cilju obezbjeđivanja bolje dostupnosti zdravstvenih usluga najugroženijim kategorijama stanovništva, nezaposlenim licima omogućilo besplatno izdavanje uvjerenja o zdravstvenoj sposobnosti u svrhu zapošljavanja.
Novim Zakonom o zdravstvenom osiguranju, (Sl.list CG, br.6/16), definisano je da se iz obaveznog zdravstvenog osiguranja ne obezbjeđuju sredstva za usluge koje se, između ostalog, odnose i na zdravstvene preglede radi izdavanja uvjerenja o zdravstvenoj sposobnosti. Istom odredbom propisano je da se ova obaveza ne odnosi na izdavanje uvjerenja o zdravstvenoj sposobnosti nezaposlenog lica u svrhu zapošljavanja. Ova usluga se, prema ranijim zakonskim odredbama, naplaćivala.
Ministarstvo zdravlja obavijestilo je zdravstvene ustanove, koje imaju odborenje da izdaju ljekarska uvjerenja, da izmijene cjenovnike, usaglase ih sa Zakonom o zdravstvenom osiguranju i obavještenje da se uvjerenje nezaposlenim licima izdaje na teret sredstava obaveznog zdravstvenog osiguranja istaknu na vidno mjesto.
