iPhone možete kupiti  u bilo kojem dijelu svijeta, ali to ne  znači da ćete u svakoj državi za njega jednako i da platite.  Internetska marketinška agencija Webpage FX napravila je zanimljivu infografiku koja ne samo da pokazuje koliko iPhone košta u pojedinim zemljama širom svijeta, i koliko su zapravo nesrazmjerne cijene, već i koliki bi procenat prosječnog godišnjeg porodičnog prihoda svaki stanovnik te određene zemlje morao da izdvoji da ga kupi.

Najjeftiniji u Kanadi, najskuplji u Brazilu

Sama cijena iPhonea 6 je najmanja u Kanadi gdje za njega moraju izdvojiti 647  dolara, nešto jeftinije od cijene u SAD-u od 649 dolara. iPhone je najskuplji u Brazilu, 1107,53 američka dolara, i Turskoj 1015,53 američka dolara.

Podataka za Crnu Goru nema, ali je jedna od cijena bez ugovora na sajtovima domaćih operatera 861 euro, pa bismo se mi našli tik uz Brazil i Tursku.

WebpageFX infografiku je temeljio prema podacima Deutsche Banka, Applea, OECD-a i Gallupa, a odnosi se na cijenu novog iPhonea 6. Najmanje bi za pametni telefon trebali da  izdvoje stanovnici Sjedinjenih Država, oko 1,6 odsto prosječnog prihoda, a ta razmjera je najveća u Indoneziji, čak 39,3 odsto prihoda.