DRUŠTVO PREPORUKA
AKTUELNO: Blizu Bara ulovljena mako ajkula
Foto: jedro.me
Drugo ljeto zaredom u barskom akvatorijumu ulovljena je rijetka mako ajkula. Morskog predatora iz vode su izvukli Baranin Dušan Novaković i Petrovčanin Žarko Zenović.
Ajkula je ulovljena tri milje od obale u visini Skočiđevojke. Kao i prošle godine ova rijetka riba ulovljena je ,,na parangal”.
-Izvadili smo je na plutajući parangal, mamac je bila skuša. Bila je duga oko 120 cm i teška 23 kg. Istom prilikom, izvadili smo i jednu sabljarku od 12kg- rekao je Jedro Novaković.
Mako u prosjeku naraste oko tri metra dužine, naseljava sva svjetska mora, osim hladnih voda sjevera i juga, a važi za jednu od najbržih riba, što se pripisuje evoluciji, jer se hrani tunama i sabljarkama.
Ime „mako“ je dobila po riječi iz Maori jezika u značenju ajkulin zub, tj. ajkula. Radi se o dosta velikoj vrsti, koja u prosjeku naraste oko tri metra dužine.
Najveća ikad ulovljena je imala preko 600 kilograma težine. Naseljava sva svjetska mora i okeane (osim hladnih voda sjevera i juga).
Mako ajkula je jedna od najbržih riba u moru – pliva čak do 100 kilometara na čas. Ta brzina je posljedica evolucije, jer se hrani tunama i sabljarkama. Kada je zakačena na udicu, umije da skoči van vode i više metara u vis, što je čini jednim od najtraktivnijih ulova sportkih ribolovaca.
Izvor: Mondo.me
