Dobro se nasmijala stogodišnja Doris Ajling kada je primila pismo iz bolnice u kojem navode kako je trudna. Ginekološko odjeljenje bolnice Portsmaut Hospitals poslalo je pismo u kojem traže od 100-godišnjakinje da dođe na pregled kako bi dala uzorak urina.
Naravno, radilo se o grešci pa se bolnica izvinila 76-godišnjem sinu starice. Njenoj porodici nije bilo jasno kako nijesu vidjeli datum rođenja koji je jasno napisan u pismu.
– Uskoro ću napuniti 100 godina, kako mogu očekivati dijete? Imam troje djece i 20-oro unučadi, a trudna nijesam bila 70 godina – rekla je starica čiju je porodicu pismo ipak nasmijalo, piše The Sun.
– Bilo je stvarno zabavno. Kada je dobila pismo, odmah smo znali da je greška, ali smo se dobro nasmijali – kazao je njen sin Brajan.