ZDRAVLJE ZDRAVLJE_IZDVOJENO

SEZONSKO JE ZDRAVIJE: Ovo su najbolje namirnice za avgust

2.08.2016. u 16:25

Kupovina namirnica može biti prilično mukotrpan zadatak. Ako znate šta treba da kupite, to će proći puno jednostavnije i jeftinije. Kupovina sezonskih namirnica je zdrav i jeftin način prehrane.
Ovaj mjesec nam donosi obilje voća i povrća. Sve vrste su osvježavajuće, što ih čini odličnima za vruće ljetne dane. Veći dio ovih namirnica će vam pomoći da zaštitite kožu od štetnog djelovanja sunca.

Najbolje voće

Marelice

Marelice sadrže malo zasićenih masti, holesterola i soli. Dobar su izvor dijetalnih vlakana i kalijuma, a odličan izvor vitamina A i C. Sada su najzdravije i najjeftinije, stoga svakako treba da ih iskoristite.

Pipun

Dobar je izvor dijetalnih vlakana, niacina, vitamina B6 i folne kiseline. Odličan je izvor vitamina A, C i kalijuma. Iako sadrže dosta šećera, dinje sadrže malo zasićenih masti i soli, i veoma malo holesterola.

Lubenica

Lubenica je pravo ljetne voće s veoma malo zasićenih masti, holesterola i soli. Dobar je izvor kalijuma, a odličan izvor vitamina A i C. Lubenica je osvježavajuća, slatka i mirisna. Kako biste u njoj uživali još više, predlažemo vam osvježavajući smuti od lubenice, ananasa i manga.

Breskve

Sadrže veoma malo zasićenih masti, holesterola i soli. Veći dio kalorija dolazi od šećera. Dobar su izvor dijetalnih vlakana, vitamina A, niacina i kalijuma, i odličan izvor vitamina C.

Nektarine

Sadrže malo zasićenih masti, holesterola i soli, ali veći dio kalorija dolazi iz šećera. Poput breskvi, dobar su izvor dijetalnih vlakana, vitamina A, niacina i kalijuma. Odličan su izvor vitamina C.

Smokve

Ovo je doba godine kada možete uživati u svježim i zdravim smokvama. Dobar su izvor kalijuma, mangana, vitamina B6, a odličan izvor dijetalnih vlakana.

Grožđe

Iako tokom godine nije pristupačno, sezona grožđa u avgustu tek počinje. Sadrži malo zasićenih masti, holesterola i soli. Odličan je izvor vitamina C i K. Grožđe je ukusno samo po sebi, ne treba mu nikakvih dodataka.

Najbolje povrće

Paprika

Paprike su tokom ostalih mjeseci prilično skupe i pune pesticida. Svakako iskoristite sezonu paprika jer su dobar izvor tiamina, niacina, folne kiselina i bakra. Odličan su izvor dijetalnih vlakana, vitamina A, C, K, B6, kalijuma i mangana. Paprike možete pripremati na različite načine.

Tikvice

Sezona tikvica je sada na vrhuncu. Ovo ukusno povrće blagog ukusa je dobar izvor proteina, vitamina A, tiamina, niacina, fosfora i bakra. Odličan je izvor dijetalnih vlakana, vitamina C, K, riboflavina, vitamina B6, folne kiseline, magnezijuma, kalijuma i mangana. Tikvice su jednostavne za pripremu i možete ih pripremati na različite načine.

Kukuruz

Pristupačan, ukusan i hranjiv, kukuruz pripada pravom ljetnjem povrću. Sadrži malo zasićenih masti i veoma malo holesterola i soli. Dobar je izvor dijetalnih vlakana, tiamina i folne kiseline. Kukuruz možete pripremati na različite načine, a najpopularniji je kuvan i sa žara.

Patlidžan

Sadrži veoma malo zasićenih masti i holesterola. Sadrži dosta soli i veći dio kalorija dolazi iz šećera. Dobar je izvor vitamina K, tiamina, vitamina B6, folne kiseline, kalijuma i mangana, a odličan je izvor dijetalnih vlakana.

Krastavci

Sadrže malo zasićenih masti i veoma malo holesterola i soli. Dobar su izvor vitamina A, magnezijuma, fosfora i mangana, a odličan izvor vitamina C, K i kalijuma. Krastavce najčešće jedemo kao salatu, ali s njima možete praviti razna jela.

Izvor: Nezavisne.com